ශ්රී ලංකාවට එරෙහි 20 – 20 තරගාවලියේ ජය ඉන්දියාවට…
ඒ, ඊයේ රාති‍්‍රයේ පැවැති 03 වන හා අවසන් 20 යි 20 තරගය ලකුණු 78 කින් ජය ගනිමින්. කාසියේ වාසිය හිමිකර ගත් ශ්රී ලංකා කණ්ඩායමේ නායක ලසිත් මාලිංග පළමුව පන්දුවට පහරදීම සඳහා ඉන්දීය කණ්ඩායමට ඇරයුම් කළා.
ඒ අනුව පළමුව පන්දුවට පරහදුන් ඉන්දීය කණ්ඩායම පන්දුවාර 20 තුළ කඩුළු 06 ක් දැවී රැුස්කළ ලකුණු සංඛ්‍යාව 201 ක්. කේ එල් රාහුල් ලකුණු 54 ක් සහ ශිකර් ධවාන් ලකුණු 52 ක් රැස්කළා.
පන්දු යැවීමේදී ලක්ෂාන් සඳකැන් ලකුණු 35 කට කඩුළු 03 ක් දවා ගත්තා. පිළිතුරු ඉනිම කී‍්‍රඩා කළ ශ්රී ලංකා කණ්ඩායමට පන්දුවාර 15 යි පන්දු 5 කදී සියලූ දෙනා දැවී ලබාගත හැකිවූයේ ලකුණු 123 ක් පමණයි. ධනංජය ද සිල්වා ලකුණු 57 ක් රැස්කළා. ඇන්ජලෝ මැතිව්ස් ලකුණු 31 යි. ශ්රී ලංකා පිළේ සෙසු කිසිඳු පිතිකරුවෙකුට ලකුණු 10 සීමාව පසුකර යාමට හැකිවූයේ නැහැ.
