පොදු දේපළවලට හානි කිරීමේ චෝදනා එල්ල වි සිටි අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු වසන්ත මුදලිගේ සහ භික්ෂු බල මණ්ඩලයේ කැඳවුම්කරු පූජ්‍ය ගල්වැව සිරිධම්ම හිමියන් ඇප මත මුදාහරින ලෙස කඩුවෙල මහේස්ත්‍රාත් අධිකරණය අද නියෝග කළා.
ඒ ඔවුන් දෙදෙනා අද අධිකරණය හමුවට ඉදිරිපත් කෙරුණු අවස්ථාවේදීයි. ඒ අනුව රුපියල් ලක්ෂය බැගින් වූ ශරීර ඇප මත ඔවුන් දෙදෙනා මුදාහරින ලෙස කඩුවෙල මහේස්ත්‍රාත් අධිකරණය එහිදී නියෝග කර තිබෙනවා.
කෙසේවෙතත් ත්‍රස්තවාදය වැළැක්වීමේ පනත යටතේ රඳවාගෙන සිටින අන්තර් විශ්ව විද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ තවදුරටත් රඳවාගෙන විමර්ශන සිදුකෙරෙන බවයි වැඩිදුරටත් වාර්තා වුණේ.
