එළබෙන නත්තල් උත්සව සමයේ ඉල්ලුමට සරිලන එළවළු සැපයුමක් වෙලදපොලට ලබාදිට නොහැකි විම හමුවේ දේශිය වෙලදපොලේ එළවළු මිල තවදුරටත් ඉහල යන බව සමස්ථ ලංකා ආර්ථික මධ්‍යස්ථාන එකමුතුවේ සභාපති අරුණ ශාන්ත හෙට්ටිආරච්චි මහතා අවධාරනය කරයි. අරුණ ශාන්ත හෙට්ටිආරච්චි මහතා (30) දින නුවරඑළිය ආර්ථික මධ්‍යස්ථානයේදි මාධ්‍ය හමුවක් කැදවමින් ඒ බව පැවසිය. මෙහිදි වැඩිදුරටත් අදහස් දැක්වු අරුණ ශාන්ත හෙට්ටිආරචිචි මහතා කියා සිටියේ රටේ පාලකයින් විසින් මෙරට කෘෂිකර්මාන්තයට සිදු කල මහ විනාශය හේතුවෙන් එළවළු වගාවේ නිරතව සිටි කුඩා පරිමාණ හා මධ්‍ය පරිමාණ ගොවින් රැසක් එළවළු වගාවෙන් මේ වන විට ඉවත් වි ඇති බවයි.
දේශිය අර්තාපල් කිලෝවක් රුපියල් 440 ක් දක්වා ඉහල මිලකට මේ දින වල මිලදි ගන්නා බවත් , එයට සමගාවිව කැරට් , ලික්ස් ඇතුළු උඩරට සහ පහතරට එළවළු වර්ග රැසකම ගැනුම් මිල ඉහල යැම් හමුවේ එළවළුවල සිල්ලර මිලද මේවන විට වැඩි වි ඇති බවයි.
නුවරඑළිය ආර්ථික මධ්‍යස්ථානයෙන් පිට පළාත් වල ආර්ථික මධ්‍යස්ථාන වලට දිනකට එළවළු කිලෝ ලක්ෂ දෙක හමාරක් පමණ එළවළු සැපයුමක් සිදු කලද පවත්නා තත්වය මත මේ වන විට නුවරඑළිය ආර්ථික මධ්‍යස්ථානයේ දිනකට එළවළු කිලෝ හැට පන්දහසක් , හැත්තැ පන්දහසක් අතර ප්‍රමාණයක් දක්වා පහත වැටි ඇති බවයි සභාපති වරයා කියා සිටින්නේ.
තවද නුවරඑළිය ප්‍රදේශයේ රසායනික පොහොර අලෙවි කරන වෙලදසැල් වල කිලෝ පනහක රසායනික පොහොර මිටියක් රුපියල් විසිතුන්දහසක් වැනි අධික මිලකට අලෙවි කරන බවත් , එම මිලට රසායනික පොහොර මිලදි ගෙන එළවළු වගා කිරිමෙන් ගොවින්ට විශාල පාඩුවක් සිදුවන බවයි.
බිජ අර්තාපල් හොන්ඩරයක් රුපියල් තිස්පන්දහසක් වැනි අධික මිලකට අලෙවි කරන බවත් , එවැනි අධික මිලකට බිජ අර්තාපල් මිලදි ගෙන අල වගා කලද පවතින රසායනික පොහොර සහ රසායනික ද්‍රව්‍යය මිල ඉහල යැම සහ පවත්නා හිගය මත අර්තාපල් අස්වැන්නද අඩු විම නිසා ගොවින්ටද එම වගාවෙන් පාඩු සිදු වන බවයි සභාපතිවරයා කියා සිටියේ.
මෙරට රසායනික පොහොර , කෘෂි රසායනික ද්‍රව්‍යය බිජ ඇට වර්ග අනායනය කරන බහු ජාතික සමාගම් එකාධිකාරියක් පවත්වාගෙන යන බවත් , එම ඒකාධිකාරිය බිද දමමින් කිලෝ පනහක රසායනික පොහොර මිටියක් රුපියල් දසදහසක් සහ දහතුන්දහසක් වැනි උපරිම මිලකට ගොවින්ට ලබා දිමට මෙරට පුද්ගලික ආයතන කිහිපයක් කැමැත්ත පල කර ඇතත්, ඒ සදහා රජයේ වගකිවයුතු නිලධාරින් එම ආයතන වෙත අවසරය ලබා නොදි ඇති බවයි අරුණ ශාන්ත හෙට්ටිආර්ච්චි මහතා කියා සිටියේ .
මෙරට ගොවින්ට අවශ්‍යය හරිතාගාර , නවිනතම කෘෂි උපකරණ සහ ජපන් රජයේ තාක්ෂණය මෙරට ගොවින්ට ලබා දිමට ජපන් රජය කැමැත්ත පල කර ඇතත් ඒ සදහාද මෙරට වගකිවයුතු නිලධාරින්ගේ අනුමැතිය ලැබි නොමැති බවයි අරුණ ශාන්ත හෙට්ටිආරච්චි මහතා මෙම මාධ්‍යය හමුවෙදි වැඩි දුරටත් කියා සිටියේ.
